قصائد المقدمة والنهاية
(يا مسعر الحرب خاف الله)
يا مسعر الحـرب خـاف الله وخـلك فطـين
أهــــلي وأهـلك وقـود إلهــا إذا تلهـــــبه
تحصد من أرواح ناسي وناسك الأقربين
الأرواح والنـاس هي تاكـل وهي تشربه
عقــب المحبــة تعوضنــا بحقـــدٍ دفــــين
وتبـــاعدوا أهــــل ودي والشقى قرّبـــه
(أنا لها شمس)
أنــــــا لهـــا شمس وأنــــــا لهــــا فيّ
وأنــــا لهــــا روح الجســد في بدنهـــا
يـــا ضي عيني يا بديـــلٍ عــــن الضي
مـــا أريد ضي العـين إن غبت عنهــا
بي من الهنوف وهواها مدمعٍ غْـزار
لــولا هواها دموعي ما عرفت عيني
أحبهـــا حب صـافي قبلها مــا صـــار
شـابك علي القلب من ويله مشّقيني
قصيدة الحلقة الأولى
(أباها شعرها طويلٍ)
أباهـا شعرهـا طويــلٍ مثــل ليــل الشتــا حــيران
في غابة من سواد الشعر في ليل الدجى الجاني
وأباهـا والجبــين الصبـح لا فضـة ولا عقبــــان
وأبا الخديـن لــون الـــورد ما يحــويه بستــــان
وأريد الخشم سلة سيف فيه الحيف والخسران
وأشافي حمـــر مثل الجمر أو خاتم سليمــــان
وأبا أسنانها صفين من لـولو ومن مرجـــــــان
يميل كـــــل ماتبسم وأحـس النــور يغشــــــاني
بنيه مـــن ملاحتهـــا إليهـــا تنظـــر العميـــــان
ولـــو مرت على ميت حيــا وأرمى بالأكفـــــان
قصائد الحلقة الثانية
(ساري بليل)
ســـاري بليـل ووجــوه الليـل كذّابه
متعــودٍ عالســرى والدوم وحـداني
والليـــل غــابة وسبع الليل وذيابـه
تعـــــرف إني أردّه كيــــد عــدواني
واللي الخطر لابسنه مضيق ثيابــه
واللي معـــوّد عالأول يكـره الثاني
(ألقى الخطر دون خوف)
ألقى الخطر دون خوف وما أحسب حسابه
درب الخطــر عـــارف انه شــانه وشــاني
سلبت وقتي وغــــيري الـــــوقت ســـــلاّبه
ولاني مثقّـــــل على ربــعي ولا خــــــواني
قصائد الحلقة الثالثة
(أنا تولعت به)
أنا تـولعت بــه مـن قــــبل لايدري
قلبي يحبه قــبل يسعدني حضـوره
يجرّني في شليلة والهـوى عذري
أسيب غرامه روحي فيه مجبوره
(أهٍ من اللي بلاني)
أهٍ مــــن اللي بلاني في الهــوى بلــوه
عوقي ترى منه وأنا في العرب عوقه
وأشكيله الحــال لــكن ضاعت الشكوه
واللي بيشكي لظـــالم مضيع حقوقـــه
ناديتها ومــا سمعتني ولا حصل سلوه
ولي عـــبرةٍ من هواها دوم مخنوقــه
(زينة هي الموت والمنعوت)
زينة هي الموت والمنعوت والنجوى
مــن زينها القلب ذاب وعذبـه شوقه
سوّت بقلبي الذي مــا حد قبل ســوّاه
وثياب صبري من الهجران مشقوقه
(زارني طيفك)
زارني طيفــــك على غفلــــة وراح
مـــا عرفتـه هو حقيقــه أو منـــــام
لو تسلّ الروح من الجسم استراح
مــــــن لهيب الهجـر وألآم الغــرام
