كلش بأتصالك واضح الصوووت
بس مو واضحة كلش نبرتك
فرق كلش جبير ابين الاثنين
حرورة دمعي وبرودة ضحكتك
صوجك علمتني افتهمك بسااااع
تسكت وافتهم كلشي بنضرتك
امسح جفن عينك من الدموووع
قبل لا تخنك بصدرك عبرتك
فهمتك وانه كلبي يعجبك بهاااي
صوتك يوصلة حتى بسكتك
ولا تعتذر عذرك عندي مقبول
خلهة مساترة وهيج افتهمتك
بعد لازم وراية ارجع للاحلام
اريد امسح صور بيهن رسمتك
اجيت ابالي مرة وصدكت جاي
بجيت وشبكت مسودن شبكتك
شبعد عندك حجي وشرايد اتكووول
تريد تعوفني وصلت فكرتك
حبيبي تدلل ادري تريد انساااك
عفوا.....قصدي تدلل حضرتك (احلى بيت)
مدري شجابني وكلت اتصل بيك
اجة الليل وجنت وحدي وذكرتك
عرفتك من ردت تحجيلي موضوع
حجيت وغلبت حروفك حسرتك
وعلافتك من حجيت بطاري الاوداااع
عرفتك يمكن أطوول سفرتك
قفلت احلامي والخط بعدة مفتووح
وكتلي وياي:::اي كتلك سمعتك (يموووت هذا البيت)
ردتني اوصف وكتها احساسي وياااك
وردت تعرف الحصلته بعشرتك
وبجيت وكتلك انته تخيل تكوون
بنص المعلركة وتعثر مهرتك
على كل الخلص من عمري ندمااان
وعلى كل الوصل منك شكرتك
وهي حيرة من اودعك ارجع منين
والمن جايك والمن تركتك
من ارد للشمس هسة بعيني مااشوووف
يا ليل نسيتهة بكد ما سهرتك
يل حالفلي بس ما تارك شهووود
بس افراشك وحايط غرفتك
انعم الله عليك كتلي وانه ممنون
منك عالوفى الشفته بعشرتك
وبعد ما تفرق انت تعووود لو لا
على كل حال ....من عفتك حسرتك
