قصيدة للشاعر سمير صبيح .الى ملك الاردن عبد الله

قصيدة للشاعر سمير صبيح ..
إلى عاهر الاردن القزم عبد الله
ــــــــــــــــــــــــــــــــــــــــــــــــــ ــــــــ

خايف عالعروبه منين .. مني شلون ؟
وانا الحجه الامام بكاعي من يظهر
من حرب لحرب .. صار بظهرنا عيون
تعرف من طعنها ... وتعرف الخنجر
وعتنا الحروب وبعد ما ننقاد
متغشنا العروبه وبيها نتقشمر
ماريد العروبه البيها انتَّ وياي
اخليها الك بالجامعه مكَّشر
خايف عالعرب ... وين العروبه البيك ؟؟؟
دروح إسأل سترها .. وكلشي يتفسر
أُمك من أجت .. سكران ملك حسين
إجت مناك تحمل حيمن المستر
مو بيدك تحن لاهل امك وتنحاز
ثلثين الولد عالخال من يكبر
هلال الخوفك ... بي سيف أبو الحسنين
على خالك خفت لا يُقتلع خيبر
إستلَّكَ ذاك القزم .. كل ما تطل وتغيب
يعلمني العروبه الساقط الأزعر
ما غزر أمس دمي بحلك سيناء ؟
بتشرينك أمس جا دمي ما غزر ؟
بجولان الجرب ليهسه دمي يفور
ومن عدها إلي الارهاب يتصدر
جا وين (الجرب) العرب لمن غزتني جيوش ؟
أشو مصر العروبه أطبب العسكر ؟
وين الجامعه الصارلها ست عقود
قمم بس بالوعود وكلشي ما أثمر ؟
ولك لو هذا خيري بنص بطن شارون
صدك واعتقد جان اثمر وغزر
ولك حتى الجلب لمن عظم تنطي
يهز ذيله إلك ويكوم يتشكر
إذا أفحص زلمكم يا سلالة لوط ؟
وأولهم أفحصك .. يطلع البنجر
عونك يا وطن يابو الحضارات
احضنك لو صرت كلك سجاجين
اخاف احجي ومن يصدك الخرافات
إلك حبي سوالف عالسلاطين
يابو الخير انت تفيض خيرات
على الجيران وعيالك مساكين
حيطانك صفت بس للشعارات
هوايه احزاب وشويه الحياطين
بينك والعرب قست المسافات
مثل بعد النبي عن الشياطين
العروبه والعروبه وهالتفاهات ؟
حدر جدمك أقدمهم قرابين
واحوك الجامعه لجدمك نعالات
وأشدن من عمرو موسى القياطين

» قصيدة حب روعة
» اجمل قصيدة للجواهري
» قصيدة عتب بين حبيبين لكن عذاب
» قصيدة كعب بن زهير( بانت سعاد)
» من اجمل القصائد عن الثوره للشاعر ابوقاسم الشابي